یو اے ای لیبیا میں فوری جنگ بندی کے لیے کام کررہا ہے: انور قرقاش

العربیہ  |  Jul 14, 2020

متحدہ عرب امارات کے وزیر مملکت برائے امور خارجہ انورقرقاش نے کہا ہے کہ ان کا ملک لیبیا میں فوری جنگ بندی اور سیاسی عمل کی بحالی کے لیے مسلسل کام کررہا ہے۔

انھوں نے سوموار کو اپنے سرکاری ٹویٹر اکاؤنٹ پر ایک بیان میں کہا ہے کہ ’’یو اے ای اور اس کے شراکت دار لیبیا میں تحفظ کے مکمل اقدامات کے ساتھ جلد سے جلد تیل کی پیداوار کی بحالی چاہتے ہیں۔ہم فوری جنگ بندی اور سیاسی عمل کی بحالی کے لیے کام جاری رکھیں گے۔‘‘

The UAE, alongside its partners, wants to see a return to oil production in Libya as soon as possible, with safeguards in place to prevent the proceeds fuelling further conflict. We continue to work for an immediate ceasefire and return to a political process.

— د. أنور قرقاش (@AnwarGargash) July 13, 2020

ان کے اس بیان سے چندے قبل ترک وزیر خارجہ مولود شاوش اوغلو نے لیبیا میں جنگ بندی کو مسترد کردیا ہے۔انھوں نے ایک بیان میں کہا کہ جنگ بندی پر اتفاق کا انحصار کمانڈر خلیفہ حفتر کے زیر قیادت لیبی قومی فوج( ایل این اے) کے انخلا پر ہوگا۔

واضح رہے کہ لیبیا میں 2011ء میں سابق مطلق العنان صدرکرنل معمرقذافی کی حکومت کے خاتمے کے بعد سے خانہ جنگی جاری ہے۔ البتہ اس کے متحارب فریق بدلتے رہے ہیں۔2019 ء کے اوائل سے لیبیا کے مشرقی شہر بنغازی سے تعلق رکھنے والے فوجی کمانڈر خلیفہ حفتر کے زیر قیادت ایل این اے کی قومی اتحاد کی حکومت (جی این اے) کے تحت فورسز کے ساتھ لڑائی جاری ہے۔

ان دونوں متحارب فورسز کے درمیان جنگ بندی کے لیے غیرملکی قوتیں اورعلاقائی ممالک بھی مداخلت کررہے ہیں جبکہ ترکی نے جی این اے کی حمایت میں اپنے فوجی دستے بھیجے ہیں اور اس کو اسلحہ بھی مہیا کیا ہے۔یو اے ای ، سعودی عرب اور مصر خلیفہ حفتر کی فورسز کی حمایت کررہے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More