خیبرپختونخوا: ایک ہزار 900 لیکچررز بھرتی کرنے کی منظوری

ہم نیوز  |  Dec 04, 2020

پشاور: خیبرپختونخوا حکومت نے ایک ہزار 900 لیکچررز بھرتی کرنے کی منظوری دے دی۔

ہم نیوز کے مطابق محکمہ خزانہ نے لیکچررز بھرتی کرنے کے لیے سیکریٹری ہائیر ایجوکیشن کو مراسلہ ارسال کر دیا ہے۔

اس ضمن میں مشیر اطلاعات خیبرپختونخوا کامران بنگش نے بتایا ہے کہ کالجز لیول پر نئے اساتذہ بھرتی کیے جائیں گے جب کہ بی ایس لیول کے لیے لیکچررز گریڈ 17 میں بھرتی ہوں گے۔

انہوں نے مزید بتایا کہ لیکچررز کی بھرتی کے لیے 50 کروڑ روپے سے زائد رقم رکھی گئی ہے۔ لیکچررز کی بھرتی کا عمل مکمل شفافیت کے ساتھ مکمل کریں گے۔

ان کا کہنا تھا کہ کوشش ہے کہ تعلیم کے حوالے سے تمام وسائل فراہم کی جائیں، وزیراعلی محمود خان کی قیادت میں نوجوانوں سے کئے گئے وعدے پورا کریں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More