پیسے سے اخلاق اور آداب نہیں خریدے جاسکتے، عدنان صدیقی

بول نیوز  |  Jan 22, 2021

پاکستان فلم و ٹی وی انڈسٹری کے نامور اداکار عدنان صدیقی کا کہنا ہے کہ پیسے سے اخلاق اور آداب نہیں خریدے جاسکتے۔

تفصیلات کے مطابق اسلام آباد کے ایک ریسٹورنٹ کی دو خواتین مالکان کی جانب سے منیجر کی انگریزی کا مذاق اڑانے کی ویڈیو پر شدید برہمی کا اظہارکرتے ہوئے ورسٹائل اداکار عدنان صدیقی نے کہاکہ ریسٹورنٹ کی مالکان نے خراب انگریزی کی وجہ سے اپنے ریسٹورنٹ کے مینجر کا مذاق بنایا اور پھر وہ ویڈیو وائرل کردی جوکہ غیراخلاقی حرکت ہے۔

Rightly money can’t buy you manners. Disgusted at the video of two ladies humiliating their restaurant manager for broken English. They have no right to insult him for earning an honest living. Never setting my foot at Cannoli restaurant. #shuncannoli #isb

— Adnan Siddiqui (@adnanactor) January 21, 2021

اُنہوں نے شدید غصے کا اظہار کرتے ہوئے کہا کہ ان خواتین کے پاس ایسا کوئی حق نہیں ہے کہ وہ اس مینجر کی توہین کریں، اب میں کبھی اس ریسٹورنٹ میں قدم نہیں رکھ سکوں گا۔

انھوں نے کہاکہ اس طرح یہ لوگ یہ بتاتے ہیں کہ ان کا تعلق کس کلاس سے ہے۔ کاش کسی نے ان خواتین کو انگریزی کے بجائے شائستہ آداب اورعزت کرنا سکھایا ہوتا۔

واضح رہےکہ گزشتہ روز اسلام آباد کے ریستوران کی مالکن خواتین کی ایک ویڈیووائرل ہوئی تھی جس میں دونوں خواتین اپنے مینجر کی انگریزی کا مذاق اڑاتی ہوئی نظر آرہی تھیں۔

سوشل میڈیا صارفین کے ساتھ ملک کی معروف شخصیات نے بھی ان دونوں خواتین کو ملازم کی توہین کرنے پر شدید تنقید کا نشانہ بنایا تھا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More