ملاوٹ مافیا کیخلاف گھیرا تنگ، کارروائیوں کا سلسلہ جاری

بول نیوز  |  Jan 22, 2021

پنجاب فوڈ اتھارٹی نے ملاوٹ مافیا کیخلاف گھیرا مزید تنگ کر دیا ہے۔

تفصیلات کے مطابق فوڈ سیفٹی ٹیموں نے راولپنڈی میں آپریشن کیا ،کارروائی کے دوران بھاری مقدار میں ملاوٹی دودھ، مضر صحت رنگ اور زائد المعیاد مصالحہ جات ضبط کیے گئے ہیں۔

ڈی جی پنجاب فوڈ اتھارٹی نے بتایاکہ ملاوٹی دودھ کی سٹوریج اور فروخت پر 2 ڈیری شاپس کو سیل کیا، ناقص رنگوں اور کیمیکلز سے مٹھائیاں بنانے پر سویٹ شاپ کوبھی سیل کیا۔

رفاقت علی نسوانہ کا کہنا ہے کہ قواعدوضوابط کی مسلسل خلاف ورزیوں اور ناقص سٹوریج پر بیسٹ ون کیش اینڈ کیری کو سیل کیا۔

حفظان صحت کے ناقص انتظامات پر 10 فوڈ پوائنٹس کو بھاری جرمانےعائد، جبکہ معمولی نقائص پر 66 فوڈ پوائنٹس کو وارننگ نوٹسز جاری کیے گئے۔

ڈی جی پنجاب فوڈ اتھارٹی نے بتا یا کہ ملاوٹ مافیا کے خلاف بلاامتیاز کارروائیوں کا سلسلہ جاری ہے، صحت دشمن عناصر کو کوئی ڈھیل نہیں دی جائے گی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More