عمران صاحب ہمت کرکے بتائیں کہ آپ کو این آر او چاہیے، مریم

بول نیوز  |  Jan 22, 2021

مسلم لیگی رہنما کا کہنا ہے کہ عمران صاحب ہمت کرکے قوم کو سیدھا بتائیں کہ آپ کو این آر او چاہیے۔

تفصیلات کے مطابق ترجمان پاکستان مسلم لیگ (ن) مریم اورنگزیب  نے اپنے بیان میں  وزیر اعظم عمران خان کو مخاطب کرتے ہوئے کہا کہ سلیکٹڈ وزیراعظم کے نیچے شفاف، آزادانہ اور منصفانہ تحقیقات نہیں ہو سکتی، نیب بطورادارہ براڈ شیٹ سے پاکستان کو پہنچنے والے نقصانات کا ملزم ہے۔

انھوں نے کہا کہ جن سے تحقیقات نہیں ہونی چاہیے، اُنہیں سے تحقیقات کرانا انصاف کا قتل ہے،  سابق ڈپٹی پراسیکیوٹر جنرل نیب سےتحقیقات کرانا، براڈ شیٹ سے بڑا فراڈ ہے۔

مریم اورنگزیب نے کہا ہے کہ جسٹس (ر) عظمت سعید متنازعہ شخصیت اور معاہدہ کرنے والوں میں شامل تھے، براڈ شیٹ نیب معاہدے کے وقت شیخ عظمت سعید ڈپٹی پراسیکیوٹر جنرل تھے۔

ترجمان مسلم لیگ نے مزید کہاک ہسابق ڈپٹی پراسیکیوٹر سے کروائی جانے والی تحقیقات کیسے شفاف اور منصفانہ ہوسکتی ہیں؟

 

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More