نیب پہلے چیئرمین نیب اور اپنے افسران کا احتساب کرے، سلیم مانڈوی والا

بول نیوز  |  Jan 24, 2021

ڈپٹی چیئرمین سینیٹ سلیم مانڈوی والا نے کہا ہے کہ نیب پہلے چیئرمین نیب اور اپنے افسران کا احتساب کرے۔

تفصیلات کے مطابق ڈپٹی چیئرمین سینیٹ سلیم مانڈوی والا نے اپنے ایک اہم بیان میں کہا کہ نیب کا اصل چہرہ قوم کے سامنے بے نقاب ہو چکا ہے۔

ڈپٹی چیئرمین سینیٹ نے کہا کہ نیب کے براڈشیٹ کمپنی کے ساتھ اربوں روپے کے معاہدے کی تفصیلات سامنے آنی چاہیے جبکہ براڈشیٹ سکینڈل سے کس نے فائدہ حاصل کیا یہ حقائق سامنے بھی آنے چاہیے۔

 سلیم مانڈوی والا نے یہ بھی کہا کہ نیب کے پاس کوئی ثبوت و شواہد نہیں ہوتے لیکن تحقیقات شروع کر دی جاتی ہیں، سیاست دانوں، کاروباری افراد اور اب عام شہریوں کا نیب کے ہاتھوں میڈیا ٹرائل بند ہونا چاہیے۔

ڈپٹی چیئرمین سینیٹ سلیم مانڈوی والا نے مزید کہا کہ قوم جاننا چاہتی ہے نیب نے براڈشیٹ کمپنی کے ساتھ کن شرائط پر معاہدے کیا، نیب آج تک احتساب عدالت میں منی لانڈرنگ اور جعلی بینک اکاؤنٹس کی تفصیلات دینے میں ناکام رہا ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More