مشرق وسطیٰ: امریکہ کے بی 52 بمبار طیارے کی پروازیں

ہم نیوز  |  Jan 27, 2021

خلیج عرب: امریکی بی 52 بمبار طیارے نے ایک مرتبہ پھر خلیج عرب کے اوپر پروازیں کی ہیں۔

ہم نیوز نے عالمی خبر رساں ایجنسی کے حوالے سے بتایا ہے کہ دن کے آغاز پر لوزیانہ کے بار کسڈیل ایئر فورس کے اڈے سے بی 52 طیارے نے اڑان بھری جو نان اسٹاپ تھی۔

عالمی خبر رساں ایجنسی کے مطابق فلائٹ ٹریکنگ ڈیٹا کا کہنا ہے کہ اڑان بھرنے والے بی 52 بمبار نے خلیج عرب کے اوپر بھی پروازیں کی ہے۔

خبر رساں ادارے کے مطابق امریکہ کے سینٹرل کمانڈ کی جانب سے جاری کردہ بیان میں کہا گیا ہے کہ اس پرواز کا بنیادی مقصد علاقائی سلامتی کے لیے امریکی عزائم کا اظہار تھا۔

سابق امریکی صدر ڈونلڈ ٹرمپ کے دور میں اس قسم کی پروازیں معمول کی بات تھیں لیکن موجودہ دور میں یہ امریکی بی 52 بمبار کی تیسری اڑان ہے۔

امریکی فوج کے انخلا سے مشرق وسطیٰ غیر محفوظ ہوگا، سعودی وزیر خارجہ

سابق صدر ڈونلڈ ٹرمپ کے دور میں ایران کے ساتھ کشیدگی عروج پر پہنچ گئی تھی جب کہ امریکہ کے موجودہ نو منتخب صدرجوبائیڈن نےایران کے ساتھ سابقہ معاہدے میں واپسی کی خواہش کا اظہار کیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More