کچھ ماہ قبل سوشل میڈیا پر یہ افواہیں گردش کر رہی تھیں کہ پاکستان کی معروف جوڑی عروہ حسین اور فرحان سعید میں علیحدگی ہو چکی ہے لیکن دونوں میں سے کسی کی طرف سے اب تک کوئی بیان سامنے نہیں آیا۔ نہ تو انہوں نے افواہوں کی حمایت کی نہ ہی تردید۔

تاہم گزشتہ شب پاکستان کے نامور ڈائریکٹر قاسم علی مرید اور پروڈیوسر سعدیہ جبار کی مہندی کی تقریب ہوئی جس میں دونوں کو دیکھا گیا۔ وائرل ہونے والی تصاویر اور ویڈیوز سے یہ اندازہ لگایا جا سکتا ہے کہ دونوں اب ایک دوسرے کے ساتھ نہیں۔

ایونٹ میں عروہ اور فرحان ایک دوسرے کو نظرانداز کر رہے تھے جبکہ دونوں نے ایک دوسرے کے ہمراہ کوئی تصویر بھی نہیں بنوائی۔

ویڈیوز اور تصاویر پر مداحوں کے بھی مِلے جلے تاثرات تھے، کسی نے انہیں ہمیشہ ساتھ رہنے کی دعائیں دیں تو کسی نے دکھ اور افسوس کا اظہار کیا۔

٭ اس حوالے سے ہمیں اپنی قیمتی رائے سے ضرور آگاہ کریں، ہماری ویب کے فیسبک پیج پر کمنٹ کر کے بتائیں۔