اس دنیا میں اکثر ایسے واقعات سننے کو ملتے ہیں جس کا سوچ کر ہی یقین نہیں ہوپاتا۔ اسی طرح اب ایک اور حیرت انگیز واقعہ پیش آیا جس نے لوگوں کو حیرت میں مبتلا کر دیا۔
بحرالکاہل میں ایک کشتی راں (سیلر) صرف ایک ٹکڑے کےسہارے 14 گھنٹے تک سمندر میں گزار کر جان بچانےمیں کامیاب ہوگیا۔
ویڈم پیریوٹیلوو نامی ایک سیلر سمندری سفرکے دوران جہاز کے عرشے سے سمندر میں جاگرا لیکن جہازپر کسی کو اس کے سمندر میں گرنے کی اطلاع نہ ہوسکی اور جہاز آگے بڑھ گیا۔
ویڈم نے گہرے سمندر کا ڈٹ کے سامنا کیا اور دور نظر آنے والے ایک تیرتے ٹکڑے تک جانےکا فیصلہ کیا جو کہ مچھلی پکڑنے میں استعمال ہوتا ہے، وہ اس ٹکڑے کے سہارے 14 گھنٹے سے زائد سمندر میں تیرتا رہا اور ڈوبنے سے محفوظ رہا۔
بعد ازاں جہاز نے ان کی غیر موجودگی کا علم ہونے پر واپس جا کر انہیں ریسکیو کرلیا۔