لاہور میں 4 خطرناک اشتہاری ملزمان گرفتار

بول نیوز  |  Sep 20, 2021

لاہور میں پولیس نے 4 خطرناک اشتہاری ملزمان کو گرفتار کر لیا ہے۔

تفصیلات کے مطابق تین ماہ قبل 2 شہریوں کو فائرنگ کر کے قتل کرنے والے 4 خطرناک اشتہاری ملزمان کو پولیس نے گرفتار کر لیا ہے۔

ایس پی سی آئی اے عاصم افتخار کمبوہ نے کہا کہ گرفتاراشتہاری ملزمان میں ثناء اللہ، سیف اللہ، احسان اللہ اوراللہ دتہ شامل ہیں۔

عاصم افتخار کا کہنا تھا کہ مقتولین عمر فاروق اور مشتاق احمد اپنی والدہ کی قبر پر فاتحہ خوانی کے لیے قبرستان گئے تھے، قبرستان میں چھپ کر بیٹھے ہوئے ملزمان نے مقتولین پر اندھا دھند فائرنگ کر دی۔

ایس پی عاصم افتخار نے کہا کہ ملزمان قتل کی سنگین واردات کے بعد موقع سے فرار ہو گئے تھے۔

ایس پی سی آئی اے کا کہنا تھا کہ ملزمان نے پراپرٹی کے تنازعے کی رنجش پر دونوں شہریوں کو قتل کیا تھا۔

عاصم افتخار نے کہا کہ گرفتارملزمان نے شہریوں کو بے دردی سے قتل کرنے کا اعتراف کر لیا ہے۔

ایس پی سی آئی اے عاصم افتخار کمبوہ کا مزید کہنا تھا کہ ڈی ایس پی سی آئی اے صدر ڈویژن سلیم مختار بٹ نے اپنی ٹیم کے ہمراہ ملزمان کو گرفتار کر لیا ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More