ناسا کے کیوریوسٹی روور کی مریخ پر شاندار سیلفی

بول نیوز  |  Dec 05, 2021

ناسا کے کیوریوسیٹی روور نے مریخ پر 360 ڈگری کی شاندار سیلفی کھینچی ہے۔

10 برس قبل مریخ پر بھیجے جانے والے مشن نے یہ سیلفی اپنے ربوٹک بازو کے کنارے پر لگے کیمرے کا استعمال کرتے ہوئے کھینچی۔

کیوریوسیٹی روور نے اپنے اطراف موجود بنجر ماحول کی 81 الگ الگ تصاویر کھینچ کر پینورامک ویو بنایا۔

یہ تصاور کیوریوسٹی روور کے ٹوئٹر اکاؤنٹ پر شیئر کی گئیں جس میں لکھا گیا کہ ’رکو! سیلفی ٹائم۔ میں نے یہ 360 ڈگری سیلفی اپنے بازو سے جُڑے Mars Hand Lens Imager سے کھینچی ہے۔‘

سیلفی میں دِکھنے والی جگہوں میں روور کے پیچھے موجود چٹان ’گرین ہیو پیڈیمنٹ‘ ہے جبکہ دائیں طرف موجود چٹان کا نام ’رافیل نیوارو ماؤنٹین‘ ہے جو کیوریوسٹی ٹیم کے سائنسدان پر رکھا گیا ہے جن کا اس سال کے شروع میں انتقال ہوا۔

فی الوقت روور ’ماریہ گورڈن نوچ‘ کی جانب گامزن ہے۔

کیوریوسٹی مشن کی رہنمائی ناسا کی جیٹ پروپلژن لیبارٹری کرتی ہے جِسے کیلٹیک مینیج کرتی ہے۔

گزشتہ ماہ روور نے مریخ کی زبردست ’پکچر پوسٹ کارڈ‘ بھیج کر مارس پر لانچ کی 10ویں سالگرہ منائی۔

روور نے مارشین سرزمین کی دو بلیک اینڈ وائٹ تصاویر کھینچیں جنہیں بعد میں ملایا گیا اور رنگ دے کر زبردست تصویر بنائی گئی۔

واضح رہے روور کو مریخ پر 10 برس قبل 26 نومبر 2011 کو مریخ پر بھیجا گیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More