بلوچستان میں مسلسل بارش کے باعث چھتیں گر گئیں

بول نیوز  |  Jan 19, 2022

بلوچستان میں مسلسل تیز ہواوں کے ساتھ بارش کا سلسلہ جاری ہے جس کے باعث 2مقامات پر چھتیں گر گئی ہیں۔

تفصیلات کے مطابق بلوچستان میں رات گئے سے تیز ہواوں کے ساتھ بارش کا سلسلہ تاحال جاری ہے جس کی وجہ سے ہزار گنجی اور پشتون آباد میں مکان کی چھتیں گر گئی ہیں۔

پی ڈی ایم اے نے بتایا کہ ہزار گنجی میں مکان کی چھت گرنے سے میاں بیوی اور 2 بچے زخمی ہوگئے۔

پی ڈی ایم اے کا مزید کہنا ہے کہ پشتون آباد میں حادثے کی جگہ کا تعین کیا جارہا ہے۔

بلوچستان کا موسم

کوئٹہ: صوبے کے بیشتر اضلاع میں موسم آبرو آلود اور سرد جبکہ شمالی اضلاع میں بارشیں ہوں گی۔

محکمہ موسمیات کے مطابق خاران، چاغی، نوشکی، واشک، کوئٹہ،زیارت، پشین، لورالائی، چمن،ژوب، قلعہ سیف اللہ میں چند مقامات پر ہلکی بارش اور برفباری کی توقع ہے۔

کوئٹہ میں کم سے کم درجہ حرار ت منفی02 ڈگری سینٹی گریڈ ریکارڈ کیا گیا جبکہ زیارت میں کم سے کم منفی 06قلات میں منفی05 ڈگری سینٹی گریڈ ریکارڈ کیا گیا۔

ملک کے مختلف حصوں میں پھر بارش کا امکانمحکمہ موسمیات کے مطابق ملک کے مغربی اور بالائی علاقوں میں 20 جنوری سے  ہلکی سے درمیانی بارشوں کا سلسلہ داخل ہوگا۔

محکمہ موسمیات نے بتایا کہ ملک کے مختلف حصوں میں ہلکی سے درمیانی بارش اور پہاڑوں پر برفباری کا بھی امکان ہے۔

محکمہ موسمیات کے مطابق دیر، مالاکنڈ، ہزارہ، سوات، کوہستان، گلگت بلتستان اور کشمیر کے کچھ علاقوں میں منگل اور بدھ کو لینڈ سلائیڈنگ کا خدشہ ظاہر کیا گیا ہے۔

این ڈی ایم اے نے تمام متعلقہ محکموں کو  الرٹ رہنے کی ہدایت جاری کرتے ہوئے کہا کہ صوبائی ڈیزاسٹر مینجمنٹ اتھارٹیز متعلقہ محکموں کے ساتھ رابطہ قائم کر کے حساس مقامات پر ضروری مشینری اور دیگر ایمرجنسی  ساز و سامان کی موجودگی یقینی بنا ئیں۔

 این ڈی ایم اے کے مطابق سیاح اور مسافر حضرات کو موسم کے احوال سے  مسلسل آگاہ رکھا جائے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More