عید کی آمد، اسلام آباد اور پنجاب میں مارکیٹیں رات 9 بجے بند کرنے کی پابندی ختم

اردو نیوز  |  Jul 03, 2022

پاکستان کے وفاقی دارالحکومت اسلام آباد اور صوبہ پنجاب کی مارکیٹوں اور بازاروں کو رات 9 بجے بند کرنے کی پابندی چاند رات تک ختم کر دی گئی ہے۔

اتوار کو اسلام آباد کی ضلعی انتظامیہ اور پنجاب حکومت کی جانب سے جاری ہونے والے نوٹیفکیشنز کے مطابق فیصلے کا اطلاق آج (اتوار) سے ہو گا۔

وزیراعلیٰ پنجاب حمزہ شہباز نے کہا ہے حکومت نے یہ فیصلہ تاجر برادری اور عوام کی سہولت کے لیے کیا ہے۔ اس فیصلے سے کاروبار اور شاپنگ میں آسانیاں پیدا ہوں گی۔

اسلام آباد کی ضلعی انتظامیہ کے مطابق دوکانوں کی بندش سے متعلق احکامات 10 جولائی تک کے لیے معطل کیے گئے ہیں۔ 11 جولائی سے دوکانوں کی بندش کے اوقات کار پرانے نوٹیفکیشن کے مطابق ہوں گے۔ احکامات پر عمل درآمد نہ کرنے والوں کے خلاف ایکشن لیا جائے گا۔

واضح رہے گزشتہ مہینے وفاقی اور صوبائی حکومتوں نے ملک میں جاری لوڈ شیڈنگ کی وجہ سے مارکیٹوں کو رات 9 بجے بند کرنے کے احکامات جاری کیے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More