بھارت کے مشہور کامیڈین راجو سری واستو کو ورزش کے دوران کے دوران دل کا دورہ پڑا ہے جس کے بعد یہ خبر سوشل میڈیا پر تیزی سے پھیل گئی ہے۔
راجو سری واستو کے دل کا دورہ پڑنے کی خبر سوشل میڈیا پر وائرل ہونے کے بعد ان کے مداحوں میں تشویش کی لہر دوڑ گئی ہے۔
بھارتی میڈیا رپورٹس کے مطابق کامیڈین کو ورزش کے دوران اچانک دل میں تکلیف محسوس ہوئی، جس کے باعث انہیں فوری طبی امداد کے لیے اسپتال منتقل کردیا گیا۔
راجو کو بھارت کے کامیڈی کنگ کپل شرما کے پروگرام میں ساتھ پرفارمنس کرتے ہوئے بھی دیکھا گیا ہے۔ راجو سری واستو نے بھارت میں موجود مقامی لافٹر شو سے مقبولیت حاصل کی ہے۔ وہ سیاست میں بھی سرگرم رہتے ہیں اور بے جے پی کے اہم رہنماؤں میں ان کا شمار ہوتا ہے۔