سوشل میڈیا پر حیران کن اور دلچسپ خبریں تو بہت ہیں لیکن کچھ ایسی ہوتی ہیں جو کہ سب کو سوچنے پر مجبور کر دیتی ہے کہ انسان اس حد تک بھی جا سکتا ہے۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
میکسیکو میں ایک ایسا واقعہ پیش آیا ہے جس میں مُردے کی خواہش پر گاڑی ہی قبر میں ڈال دی گئی، ڈان آڈان ارانا دراصل ایک ایسی بیماری کا شکار تھے جس میں انہیں احساس ہو گیا تھا کہ اب زندگی کے چند دن ہی باقی رہ گئے ہیں۔
اب اسے لالچ کہیں یا پھر بُری نیت، لیکن ڈان آڈان کو اب یہی فکر کھائے جا رہی تھی کہ میرے بعد میری گاڑی کا کیا ہوگا، بس اسی فکر میں ڈان آڈان نے ٹھان لی تھی کہ میرے بعد میری گاڑی کو بھی کوئی استعمال نہ کرے، اس کے لیے اس نے گاڑی سمیت خود کو دفن کروانے کا فیصلہ کر لیا۔
دراصل ڈان آڈان کو یہ گاڑی ان کے بیٹے کی جانب سے تحفے میں دی گئی تھی تاہم وہ اس گاڑی کے ساتھ وقت بہت کم بتا پائے تھے یہی وجہ تھی کہ انہوں نے مرنے کے بعد بھی گاڑی کے ساتھ وقت بتانے کا فیصلہ کیا۔
ویڈیو میں دیکھا جا سکتا ہے کہ مرنے والے ڈان آڈان کو گاڑی سمیت دفنایا جا رہا ہے، جبکہ ان کی گاڑی کے پچھلے حصے میں میت کو رکھا گیا ہو۔
لیکن قبر کو دیکھ کر اندازہ لگایا جا سکتا ہے کہ قبر کو بڑے بلاکس سے تیار کیا گیا تھا۔