سمندر کنارے ہوائی جہاز کی انتہائی نچلی پرواز سے ساحل پر موجود شہریوں نے دل تھام لئے، کم ترین لینڈنگ کی ویڈیو سوشل میڈیا پر وائرل ہوگئی۔
یونان کے ایک جزیرے پر چند روز قبل ویز ایئر کے ایک طیارے نے انتہائی نچلی لینڈنگ کی، سمندر کے کنارے پر ہونیوالی اس لینڈنگ نے ساحل پر موجود لوگوں کو خوفزدہ کردیا۔
جیٹ جہاز یونانی جزیرے سکیاتھوس پر ہوائی اڈے کے قریب پہنچنے سے قبل ساحل پر موجود لوگوں کے انتہائی قریب سے گزرا جس کی وجہ سے ساحل پر موجود کئی لوگ زمین پر گر گئے، ایک خاتون کی ٹوپی اڑ گئی۔
یونان کا یہ ایئر پورٹ اپنے محل وقوع کے اعتبار سے لینڈنگ دیکھنے کے خواہشمند افراد کے لیے ایک مقبول مقام ہے۔ لینڈنگ کی ڈرامائی فوٹیج گزشتہ ہفتے ایک شوقین شہری نے اپ لوڈ کی تھی جو یونان کے جزیرے پر طیاروں کو لینڈنگ کرتے دیکھنے کے لیے موجود تھا۔
جزیرے کی لینڈنگ اسٹرپ سمندر سے محض چند گز کے فاصلے پر بنائی گئی ہے، سنسنی کے متلاشی سیاحوں کے لیے یہ ایک انتہائی حیرت ناک منظر تھا جب جہاز نے انتہائی نچلی سطح پر ساحل کے قریب لگی باڑ کو بہت آسانی سے پار لیا۔