سمندر کے کنارے رہنا ہر شخص کی آرزو ہوتی ہے کیونکہ اس طرح وہ ہر وقت خوبصورت مناظر سے لطف اندوز ہوسکتے ہیں لیکن کبھی کبھی یہ خواہش خوفناک روپ بھی دھار لیتی ہے جیسا کہ اس ویڈیو میں ہوا۔

ویڈیو میں جاسکتا ہے کہ سمندر کی بپھری لہریں کناروں پر بنی اونچی عمارتوں سے ٹکرا رہی ہیں۔ یہ مناظر کسی کا بھی دل دہلا سکتے ہیں لیکن شاید آپ کو جان کر حیرت ہو کہ سیاح اس منظر کو دیکھنے دور دور سے آتے ہیں۔

قصوں کہانیوں کا شہر

سمندر کی لہروں سے ٹکراتا یہ شہر سینٹ مالو قرونِ وسطیٰ کا شہر ہے اور برٹنی کے علاقے میں واقع ہے۔ یہ وہی تاریخی شہر ہے جس کے بارے میں آپ قزاقوں کی کہانیوں میں آج تک پڑھتے آئے ہیں۔