خوفناک سانپ، کھلاڑی سے ملنے کمرے میں پہنچ گیا۔۔ کھلاڑی نے تصویر شیئر کردی

مشہور کھلاڑی جب کسی دوسرے ملک کرکٹ کھیلنے جاتے ہیں تو ان سے ملنے مہمان اور دیگر معروف شخصیات آتی ہیں۔ لیکن کرکٹ لیگ کے سلسلے میں گئے سابق آسٹریلوی کھلاڑی مچل جانسن کے ساتھ حیرت انگیز واقعہ پیش آیا۔ ان سے ملنے سانپ ہی پہنچ گیا۔

سوشل میڈیا پر سانپ کی تصاویر شیئر کرتے ہوئے مچل لکھتے ہیں کہ کیا کوئی بتا سکتا ہے کہ یہ کس طرح کا سانپ ہے جو میرے کمرے میں موجود ہے؟

سانپ کی تصاویر دیکھ کر صارفین بھی حیران رہ گئے ہیں اور کچھ دلچسپ تبصرے کررہے ہیں۔ کسی کا کہنا ہے کہ سانپ مچل سے ملاقات کے لئے آیا ہے تو کسی کا خیال ہے کہ وہ آٹوگراف لینے آیا ہے۔