آج کے دور میں شادی سے قبل لڑکا اور لڑکی کے گھر والوں کی طرف سے ڈیمانڈ رکھی جا رہی ہیں کہ لڑکا کاروباری کرنے والا ہونا چاہئے تو لڑکی ڈاکٹر یا کسی بھی اچھے شعبے سے وابستہ ہونی چاہیئے۔
اس کام کے لیے لوگوں کی جانب سے باقاعدہ طور اشتہارات بھی لگوائے جاتے ہیں۔ ایسا ہی ایک شادی کے لیے انوکھا اشتہار لڑکی والوں نے دیا ہے جو سوشل میڈیا پر وائرل ہو رہی ہے۔
لڑکی والوں کی طرف سے حالیہ اشتہار میں غیر معمولی درخواست کی گئی تھی جو لوگوں کی توجہ کا مرکز بن رہی ہے۔
اشتہار کے شروع میں لکھا تھا کہ ایم بی اے لڑکی کے لیے امیر گھرانے سے تعلق رکھنے والے لڑکے کی تلاش ہے۔ اس کے بعد لکھا کہ دلہا یا تو آئی اے ایس آفیسر، ڈاکٹر، یا پھر صنعت کار ہونا چاہیے۔
علاوہ ازیں اشتہار میں سب سے دلچسپ بات یہ لکھی کہ برائے مہربانی سافٹ وئیر انجینئیر اس رشتے کے لیے کال ہز گز نہ کریں۔
مذکورہ ٹوئٹ سوشل میڈیا پر وائرل ہو رہی ہے جس پر صارفین دلچسپ تبصرے بھی کر رہے ہیں۔