آرمی چیف سے چیئرمین دبئی پورٹ ورلڈکی ملاقات: ریلیف فنڈ کیلئے 25 لاکھ ڈالرز کا عطیہ

ہم نیوز  |  Sep 25, 2022

راولپنڈی: چیف آف آرمی اسٹاف جنرل قمر جاوید باجوہ سے چیئرمین دبئی پورٹ ورلڈ شیخ احمد سلطان بن سلیم نے ملاقات کی اور آرمی ریلیف فنڈ کے لیے 25 لاکھ ڈالرز کا عطیہ دیا۔

ہم نیوز نے پاک فوج کے شعبہ تعلقات عامہ (آئی ایس پی آر) کے حوالے سے بتایا ہے کہ اس موقع پر آرمی چیف اور شیخ احمد سلطان بن سلیم کے درمیان پاکستان میں تباہ کن سیلاب کے باعث پیدا شدہ صورتحال، امدادی کوششوں اور بحالی کے امور پر تبادلہ خیال کیا گیا۔

آئی ایس پی آر کے مطابق شیخ احمد سلطان نے سندھ میں سیلاب سے متاثرہ علاقوں کا دورہ کیا، امدادی سرگرمیوں کا جائزہ لیا اور سیلاب سے متاثرہ علاقوں میں پاک فوج کی بحالی کی کوششوں کو سراہا۔

شیخ احمد سلطان نے کہا کہ یو اے ای اوراس کی قیادت مصیبت کی اس گھڑی میں پاکستانی عوام کے ساتھ ہے۔ انہوں نے مستقبل میں اپنے ادارے کی جانب سے سرمایہ کاری کا بھی عندیہ دیتے ہوئے فلڈ ریلیف کوششوں کے لیے مزید عطیہ کنندگان کو بھی لانے کی پیشکش کی۔

آئی ایس پی آر کے مطابق شیخ سلطان احمد نے دورے کے انتظامات کرنے پر فخر عالم کا بھی شکریہ ادا کیا۔

سیلاب میں امریکی امداد میں کمی کیوجہ وسائل کا فقدان ہے، امریکہ پاکستان تعلقات نہیں

ہم نیوز کے مطابق آئی ایس پی آر نے بتایا ہے کہ آرمی چیف نے بروقت تعاون پرشیخ احمد سلطان کا شکریہ بھی ادا کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More