جب کبھی زخم لگتا ہے یا چوٹ لگتی ہے تو ڈاکٹرز بینڈجز لگا کر یا پھر ٹاکہ لگا کر زخم کو بند کرتے ہیں، جو کہ کئی لحاظ سے تکلیف دہ بھی ہو سکتا ہے۔
لیکن ہماری ویب ڈاٹ کام کی اس خبر میں آپ کو ایک نئی ایجاد سے متعلق بتائیں گے۔
سائنسدانوں نے ایک ایسا بینڈج بنایا ہے جو کہ بنا تکلیف دیے باآسانی آپ کے زخم کو چند گھنٹوں میں بھر سکتا ہے۔
DermaClip نامی بینڈج یا اسٹچ کو تکلیف دہ بینڈجز اور ٹانکوں کے متبادل کے طور پر استعمال کیا جا سکتا ہے۔ عام بینڈ جہاں زیادہ وقت میں زخم کو بھرنے کا وقت لیتا ہے، وہاں یہ کلپ اس وقت کو کم کرتا ہے اور جلد ہی زخم کو بھر سکتا ہے۔
چونکہ اس کلپ میں چپک موجود ہے، جو کہ انسانی جلد کے ساتھ چپک جاتی ہے اور پھر کلپ کو کھینچ کر اپنے حساب سے کلپ بند کر سکتے ہیں۔
ڈاکٹرز کے مطابق یہ کلپ زخم کو بھرنے میں مدد گار اس طرح ثابت ہو سکتا ہے کہ اس میں تکلیف کم اور وقت بھی کم لگتا ہے۔ جبکہ اس وقت یہ کلپ سرجری سے لے کر چھوٹے زخموں میں بھی کار آمد ہے۔