ایشیائی ترقیاتی بینک کا پاکستان کو 2 ارب 50 کروڑ ڈالرز کی فنڈنگ فراہم کرنیکا اعلان

ہم نیوز  |  Oct 05, 2022

اسلام آباد:  ایشیائی ترقیاتی بینک (اے ڈی بی) نے پاکستان کو2 ارب 50 کروڑ ڈالرز کی فنڈنگ فراہم کرنے کا اعلان کیا ہے۔

ہم نیوز کے مطابق ایشیائی ترقیاتی بینک کی جانب سے یہ اعلان کنٹری ڈائریکٹر نے اعلیٰ سطحی وفد کے ہمراہ وفاقی وزیر خزانہ سینیٹر اسحاق ڈار سے ملاقات کے دوران کیا۔

وفاقی وزیر خزانہ اسحاق ڈار نے ملاقات میں ایشیائی ترقیاتی بینک کی جانب سے پاکستان کو دو ارب 50 کروڑ ڈالرز کی فنڈنگ فراہم کرنے کے اعلان کو سراہا۔

ملاقات میں اے ڈی بی کے پاکستان میں جاری منصوبوں پرتبادلہ خیال کیا گیا، وفاقی وزیر خزانہ نے اے ڈی بی کی جانب سے سیلاب کے بعد امداد دینے پر شکریہ بھی ادا کیا۔

ہم نیوز کے مطابق پاکستان مسلم لیگ (ن) سے تعلق رکھنے والے وفاقی وزیر خزانہ سینیٹر اسحاق ڈار نے اس موقع پر کہا کہ مشکل کی گھڑی میں پاکستان کے لیے اے ڈی بی کی امداد قابل ستائش ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More