اپنا گھر سجانے کی خواہش تو دنیا کے ہر انسان میں ہوتی ہے لیکن سونے اور ہیروں کی سجاوٹ کا موقع تو کسی بہت ہی خوش نصیب شخص کے حصے میں آتا ہے۔ اداکار شاہ رخ خان بھی ان ہی گے چنے خوش نصیبوں میں سے ایک ہیں جن کے گھر کی صرف نیم پلیٹ ہی ہیروں سے بھری ہوئی ہے۔
گزشتہ چد دنوں سے سوشل میڈیا پر شاہ رخ خان کے گھر کے دروازے پر لگی نیم پلیٹ کے خوب چرچے ہورہے ہیں یہ نیم پلیٹ دراصل پہلے بھی لگی تھی مگر چند دن پہلے اس میں جڑا ہیرا گر گیا جس کی مرمت کے لئے اسے نکال کر دوبارہ لگایا گیا۔ خوبصورت نیم پلیٹ دروازے کے دونوں جانب لگی ہیں جس میں ایک طرف شاہ رخ کے گھر کا نام “منت“ لکھا ہے دوسری جانب “لینڈسینڈ“ لکھا ہوا ہے۔
نیم پلیٹ کی قیمت
اس نیم پلیٹ کو شاہ رخ کی اہلیہ گوری خان نے ڈیزائن کیا تھا جو مشہور انٹیرئیر ڈیزائنر ہیں۔ بھارتی میڈیا کے دعوے کے مطابق ہیروں سے بنی اس نیم پلیٹ کی قیمت بھارتی 20 سے 25 لاکھ ہے جو کہ پاکستانی 68 لاکھ سے زیادہ بنتے ہیں۔