بچوں کی بھلائی کیلئے والدین اکثر ہی انہیں نصحیت کرتے اور کبھی کبھار ڈانٹ بھی دیتے ہیں جس پر وہ گھر چھوڑ کر چلے جاتے تھے پر اب تو ایسا ہوا ہے کہ اس ڈنٹ کی وجہ سے لڑکا ملک ہی چھوڑ کر چلا گیا۔
یہ واقعہ پنجاب کے علاقے اوکاڑہ کا ہے جہاں کے ایک لڑکے کی ویڈیو خوب انٹرنیٹ پر گردش کر رہی ہے جس میں وہ بھارتی پولیس کو بیان دے رہا ہے کہ میں اپنی مرضی سے یہاں بھارت آ گیا ہوں اور اب پاکستان واپس نہیں جانا چاہتا کیونکہ ایک دن مجھے گھر والوں نے سامان لینے کیلئے موٹر سائیکل پر بھیجا تو غلطی سے واپس پر مرغی موٹر سائیکل کے نیچے آ کر مر گئی۔
تو ان کے مالکان نے ہمارے گھر آ کر شکایت کی جس پر والد نے سختی سے ڈانٹا، گالیاں دیں اور برا بھلا کہتے ہوئے کہا کہ ابھی تو مرغی مری ہے اگر اللہ نہ کرے کو ئی بچہ نیچے آ جاتا تو ہم کیسے کسی کا نقصان بھرتے۔لیکن یہاں بھارت کی بارڈر سیکیورٹی اور پولیس نے مجھ سے عزت سے بات، مارا نہیں بلکہ کھانا بھی کھلایا جبکہ پاکستان کی پولیس تو پہلے عوام کو مارتی ہے پھر کچھ کھلاتی ہے۔
آگے بڑھتے ہیں اور بتاتے چلیں کہ اپنے بچے کی پاک آرمی کی طرف سے معلومات ملنے پر اس لڑکے کے والد کا کہنا ہے کہ بیٹا میرا بڑا ہو گیا ہے لیکن اتنا سمجھدار نہیں ہے، کوئی بھی بات ہو جلد دل پر لے جاتا ہے پہلے بھی میں ڈانٹتا تھا پر اس نے کبھی اتنا برا نہیں منایا مگر گھر سے جانے کے بعد ایک دن باہر ہی رہا میں بلانے بھی گیا پر آیا نہیں اور دوسرے دن والدہ بلانے گئی تو دیکھا کہ وہ وہاں ہے ہی نہیں۔
پھر ہمیں یہ معلوم ہوا کہ وہ بارڈر کراس کر گیا، اس بات پر افسوس تو بہت ہوا پر اس بات کی خوشی ہے کہ پاک فوج ہم سے بہت تعاون کر رہی ہے اور ہمیں امید ہے کہ ہماری اولاد 5 سے 6 دن میں واپس گھر آ جائے گی۔ واضح رہے کہ یہ واقعہ آج سے 5 ماہ پہلے سامنے آیا تھا۔