پاکستان کے زرمبادلہ کے ذخائر میں 78 کروڑ ڈالر سے زائد کی کمی

ہم نیوز  |  Dec 08, 2022

پاکستان کے زرمبادلہ کے ذخائر 78 کروڑ ڈالر سے زائد کی کمی کے بعد 6 ارب 71 کروڑ ڈالر رہ گئے۔

اسٹیٹ بینک کے مطابق کمرشل بینکوں کے زرمبادلہ کے ذخائر 5 ارب 86 کروڑ ڈالر ہیں جب کہ پاکستان کے مجموعی زرمبادلہ کے ذخائر 12 ارب 58 کروڑ ڈالر رہ گئے۔

اسٹیٹ بینک کے مطابق زرمبادلہ کے ذخائر میں کمی سکوک بانڈ اور دیگر بیرونی قرضوں کی ادائیگی کے باعث ہوئی ہے۔

اس ضمن میں گورنر اسٹیٹ بینک جمیل احمد نے کہا ہے کہ اسٹیٹ بینک نے گزشتہ ہفتے دو غیر ملکی بینکوں کو ایک ارب 20 کروڑ ڈالر قرض کی مد میں رقم ادا کی ہے۔

انہوں نے بتایا کہ دونوں غیرملکی بینکوں سے رقم قرض کی صورت میں اگلے چند دنوں میں واپس مل جائےگی۔ غیرملکی بینکوں سے رقم ملنے کے بعد زرمبادلہ کے ذخائر دوبارہ اپنی پوزیشن پر پہنچ جائیں گے۔

گورنراسٹیٹ بینک کے مطابق غیرملکی قرضوں کے باوجود زرمبادلہ کے ذخائر پر فرق نہیں پڑےگا،ایک دوست ملک سے 3ارب ڈالر کےلیے بھی بات ہوگئی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More