آرمی چیف سے برطانوی چیف آف جنرل اسٹاف کی ملاقات، مختلف امور پر تبادلہ خیال

ہم نیوز  |  May 31, 2023

راولپنڈی: چیف آف آرمی اسٹاف جنرل سید عاصم منیر سے برطانوی فوج کے چیف آف جنرل اسٹاف (سی جی ایس) سے جنرل پیٹرک نکولس نے اہم ملاقات کی ہے، ملاقات جنرل ہیڈ کوارٹر (جی ایچ کیو) میں ہوئی ہے۔

پاک فوج کے شعبہ تعلقات عامہ (آئی ایس پی آر) کے مطابق برطانوی فوج کے سی جی ایس جنرل پیٹرک نکولس نے جی ایچ کیو آمد پر یادگار شہداء پر پھول چڑھائے جب کہ پاکستان آرمی کے چاق و چوبند دستے نے انہیں گارڈ آف آنر پیش کیا۔

آئی ایس پی آر کے مطابق آرمی چیف جنرل سید عاصم منیر اور جنرل پیٹرک کے درمیان ہونے والی ملاقات میں علاقائی سکیورٹی اور باہمی دلچسپی کے امور پر تبادلہ خیال کیا گیا۔

برطانوی سی جی ایس جنرل پیٹرک نکولس نے دہشت گردی کے خلاف جنگ میں پاک فوج کی قربانیوں اور خطے میں امن و استحکام کے لیے کوششوں کو سراہا۔

سانحہ 9 مئی ، ذمےداروں کیخلاف آرمی ایکٹ کے تحت کارروائی شروع ہوچکی،آرمی چیف

آئی ایس پی آر کے مطابق آرمی چیف جنرل سید عاصم منیر سے ملاقات سے قبل جنرل پیٹرک نکولس نے چیئرمین جوائنٹس چیفس آف اسٹاف کمیٹی جنرل ساحر شمشاد سے بھی جی ایچ کیو میں ملاقات کی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More