عبرت کا نشان بنا دیں گے، مریم نواز

باغ: مسلم لیگ ن کی سینئر نائب صدر مریم نواز نے کہا ہے کہ شہدا کی یادگاروں کے ساتھ بُرا سلوک کرنے والے کو عبرت کا نشان بنا دیں گے۔

مسلم لیگ ن کی مرکزی رہنما مریم نواز نے بااغ آزاد کشمیر میں جلسے سے خطاب کرتے ہوئے کہا کہ ہمارے شہدا کی یادگاروں کو جو جلائے ہم بھی ان کا احترام نہیں کر سکتے۔ مسلم لیگ ن کو توڑنے کا خواب دیکھنے والی پی ٹی آئی آج کرچی کرچی ہو گئی ہے اور جو کہتا تھا کہ میں اکیلا ہی کافی ہوں، ان کو رلاؤں گا لیکن وہ آج اکیلا بیٹھا رو رہا ہے۔

انہوں نے کہا کہ آج آزاد کشمیر میں ان کا اپنا وزیر اعظم ہی ان کے خلاف گواہی دے رہا ہے۔ جو ان جہازوں کو آگ لگائے جنہوں نے دشمن کے جہازوں کو مار گرایا تو وہ بھی ہم سے نہیں ہو سکتا اور وہ پاکستانی بھی نہیں ہو سکتا۔

یہ بھی پڑھیں: 

مریم نواز نے کہا کہ جس نے 9 مئی کو شہدا اور ان کی یادگاروں کے ساتھ بُرا سلوک کیا وہ آج جس بنکر میں بھی چھپا بیٹھا ہے سن لے کہ پاکستانی قوم اور کشمیری اسے کبھی معاف نہیں کریں گے ، اسے عبرت کا نشان بنا کر چھوڑیں گے۔