پاکستان کرکٹ بورڈ کی جانب سے ورلڈ کپ 2023 کے لیے قومی اسکواڈ کا اعلان کردیا گیا۔
پی سی بی کے چیف سلیکٹر انضمام الحق نے پریس کانفرنس کے دوران 18 رکنی اسکواڈ کا اعلان کیا۔
انضمام الحق نے بتایا کہ قومی اسکواڈ میں بابراعظم کپتان اور شاداب خان نائب کپتان ہوں گے۔
فاسٹ باؤلر نسیم شاہ انجری کے باعث قومی ٹیم کا حصہ نہیں بن سکے جب کہ ان کی جگہ حسن علی کو اسکواڈ میں شامل کیا گیا ہے۔
ورلڈکپ کے لیے قومی اسکواڈ میں شامل کھلاڑی بابراعظم (کپتان)، شاداب خان (نائب کپتان) ،عبداللہ شفیق، فخر زمان،امام الحق،حارث رؤف،افتخار احمد ،شاہین آفریدی،محمد رضوان،محمد نواز،محمد وسیم جونیئر،حسن علی،سعود شکیل ،سلمان آغا،اسامہ میرریزرو کھلاڑی چیف سلیکٹر انضمام الحق نے بتایا کہ ورلڈکپ کے لیے تین کھلاڑیوں کو ریزرو میں رکھا گیا ہے جن میں محمد حارث، ابرار احمد اور زمان خان شامل ہیں۔