انڈیا کی ریاست تلنگانہ میں انڈین ایئر فورس کا تربیتی طیارہ گر کر تباہ ہو گیا ہے اور اس میں سوار دونوں پائلٹس کی بھی موت واقع ہوئی ہے۔پیر کو انڈین ایئر فورس(آئی اے ایف) نے سوشل میڈیا پلیٹ فارم ایکس پر اپنے سرکاری اکاؤنٹ پر اس حادثے کی تصدیق کی ہے۔انڈین ایئر فورس کے مطابق یہ واقعہ پیر کو ریاست تلنگانہ کے میدک ضلعے کی حدود میں پیش آیا۔طیارے نے حیدرآباد کی ایئر فورس اکیڈمی سے معمول کی تربیتی اڑان بھری تھی۔اس حادثے میں ایک ٹرینر پائلٹ اور ان کا شاگرد ہلاک ہو گئے ہیں۔انڈین ایئر فورس کے مطابق اس حادثے میں کسی سویلین کا جانی و مالی نقصان نہیں ہوا ہے۔یہ ایک انجن والا ’پلاٹس پی سی 7 ایم کے ٹُو‘ ائیر کرافٹ تھا جو عام طور پر ایئر فورس کے پائلٹس کی بنیادی تربیت کے لیے استعمال ہوتا ہے۔A Pilatus PC 7 Mk II aircraft met with an accident today morning during a routine training sortie from AFA, Hyderabad. It is with deep regret that the IAF confirms both pilots onboard the aircraft sustained fatal injuries. No damage to any civil life or property has been…
— Indian Air Force (@IAF_MCC) December 4, 2023
ایئر فورس نے حادثے کی وجوہات جاننے کے لیے تحقیقات کا حکم دے دیا ہے۔انڈیا کے وزیر دفاع راج ناتھ سنگھ نے حادثے میں ہلاک ہونے والے پائلٹوں کے خاندانوں کے ساتھ تعزیت کا اظہار کرتے ہوئے کہا ہے کہ ’حیدرآباد کے قریب پیش آنے والے حادثے پر افسردہ ہوں۔ یہ انتہائی افسوس ناک ہے کہ دونوں پائلٹ ہلاک ہو گئے ہیں۔‘انہوں نے کہا کہ ’یہ صدمے کا لمحہ ہے۔ میرے احساسات متاثرہ خاندانوں کے ساتھ ہیں۔‘