وفاقی وزیر خزانہ اور محصولات سینیٹر محمد اورنگزیب سے بل اینڈ میلنڈا گیٹس فاؤنڈیشن کے کنٹری ہیڈ سید علی محمود کی ملاقات

اے پی پی  |  Apr 23, 2024

اسلام آباد۔23اپریل (اے پی پی):وفاقی وزیر خزانہ اور محصولات سینیٹر محمد اورنگزیب سے منگل کو بل اینڈ میلنڈا گیٹس فاؤنڈیشن (بی ایم جی ایف) میں پاکستان کے کنٹری ہیڈ سید علی محمود اور کارانداز کے سی ای او وقاص الحسن نے ملاقات کی۔ اجلاس میں پاکستان میں اہم ترقیاتی چیلنجوں سے نمٹنے کے لیے تعاون اور حل تلاش کرنے پر توجہ مرکوز کی گئی۔

ملاقات کے دوران وزیر نے سید علی محمود اور وقاص الحسن کا خیرمقدم کیا، بل اینڈ میلنڈا گیٹس فاؤنڈیشن اور کارانداز کی پاکستان کے ترقیاتی منظر نامے کے لیے گراں قدر خدمات کا اعتراف کرتے ہوئے انہوں نے پائیدار ترقی کو آگے بڑھانے اور جامع ترقی کو فروغ دینے میں پبلک پرائیویٹ پارٹنرشپ کی اہمیت پر بھی زور دیا۔ سید علی محمود نے بل اینڈ میلنڈا گیٹس فاؤنڈیشن کے پاکستان میں جاری اقدامات، خاص طور پر مالی شمولیت کے حوالے سے بتایا ۔

انہوں نے معیشت کو ڈیجیٹل بنانے کے حکومت کے عزم کو سراہا اور تعاون کی پیشکش کی۔ انہوں نے اپنے ترقیاتی اہداف کے حصول اور اپنے شہریوں کی زندگیوں کو بہتر بنانے میں پاکستان کی کوششوں کی حمایت کے لیے فاؤنڈیشن کے عزم کا مزید اظہار کیا۔ وقاص الحسن نے پاکستان میں مالیاتی شمولیت اور کاروبار کو فروغ دینے میں کار انداز کے کردار کا ایک جائزہ پیش کیا۔

انہوں نے جدت کو فروغ دینے اور پسماندہ کمیونٹیز کے لیے مالیاتی خدمات تک رسائی کو بڑھانے پر فاؤنڈیشن کی توجہ کو اجاگر کیا، جس سے معاشی بااختیار بنانے اور غربت کے خاتمے میں مدد ملے گی۔ پاکستان میں مزید جامع اورمالیاتی ماحولیاتی نظام کو فروغ دینے کے لیے درکار مشترکہ کوششوں کے لیے دونوں اطراف سے عزم کا اظہار کیا ۔

وفاقی حکومت بلوچستان میں غربت میں کمی کے لیے اقدامات کر رہی ہے،چیئر پرسن بینظیر انکم سپورٹ پروگرام روبینہ خالد کوئٹہ۔ 28 مئی (اے پی پی):چیئر پرسن بینظیر انکم سپورٹ پروگرام روبینہ خالد نے کہا ہے کہ وفاقی حکومت بلوچستان میں غربت میں کمی کے لیے اقدامات کر رہی ہے اور اس کیلئے بینظیر انکم سپورٹ پروگرام صوبے کی خواتین کو معاشی سپورٹ فراہم کرتاہے۔ ان خیالات کا اظہار انہوں نے صوبے میں بی آئی ایس پی اقدامات کی کوآرڈینیشن اور نفاذ کے لیے اسٹیک ہولڈرز کے اجلاس کی صدارت کرتے ہوئے کیا۔ اجلاس میں سیکرٹری آئی ٹی ایاز خان مندوخیل، سیکرٹری انڈسٹریز نور احمد پرکانی، سیکرٹری کالجز حافظ طاہر، ڈی جی بی آئی ایس پی عبدالجبار و دیگر متعلقہ حکام نے شرکت کی۔ انہوں نے کہا کہ وہ صدر پاکستان آصف علی زرداری کی ہدایت پر دورہ کررہی ہے جنہوں نے بلوچستان پر خاص توجہ دینے کی ہدایت کی ہے جس سے صدر آصف علی زرداری کی بلوچستان سے دلچسپی کا اظہار ہوتا ہے۔ان کا کہنا تھا کہ بلوچستان کے عوام کو خصوصی توجہ دینے کے باعث ہی بلوچستان کے خواتین اور مردوں سے ہی پیشہ ورانہ تربیتی پروگرام کا آغاز کیا جائے گا۔ انہوں نے کہا کہ بہت جلد اس پروگرام پر عمل درآمد شروع ہو گا۔ انہوں نے کہا کہ غربت میں کمی لانے کے لیے اسکلز پروگرام بہتر کرنے کی ضرورت ہے۔ انہوں نے کہا کہ بلوچستان میں کشیدہ کاری، مختلف چیزوں کی پیکنگ، لائیو اسٹاک اور ہیلتھ کیئر بہتر کرنے کیلئے اقدامات کرنے ہوں گے اور اس کے علاوہ معیاری تربیت پر جانا ہوگا کیونکہ دنیا کو اب تربیت یافتہ ہنر مند افراد کی ضرورت ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More