رفح کے علاقے میں امداد کے حصول کے لیے جمع ہونے والوں پر اسرائیلی طیاروں نے بمباری کرکے مزید درجنوں فلسطینیوں کو شہید کر دیا۔
رفح میں صیہونی فوج کی بربریت کے نتیجے میں 30 افراد زخمی بھی ہوئے۔ دوسری طرف خان یونس میں یورپی اسپتال پر اسرائیلی فوج کے حملے میں 11 فلسطینی شہید اور 25 شدید زخمی ہو گئے۔
غزہ پر بمباری سے مزید درجنوں فلسطینی شہید ، اسرائیل کی جنگی کابینہ تحلیل
غزہ کے علاقے المواسی میں رات بھر بمباری سے خیموں میں آگ بھڑک اٹھی جس کے نتیجے میں 7 فلسطینی شہید ہو گئے ، علاوہ ازیں قلقیلیہ میں اسرائیلی فوج نے چھاپوں کے دوران 4 فلسطینیوں کو گولی مار کر شہید کر دیا۔
اسرائیلی فوج کی کارروائیوں میں 24 گھنٹوں کے دوران 24 شہادتوں کی اطلاعات ملی ہیں۔ فلسطین کے شہداء کی مجموعی تعداد 37 ہزار 400 ہو گئی ہے۔