ویمنز ایشیا کپ میں پاکستان کرکٹ ٹیم نے متحدہ عرب امارات کو شکست دے کر سیمی فائنل کے لیے کوالیفائی کرلیا۔
سری لنکا میں جاری ویمنز ایشیا کپ میں گزشتہ روز پاکستان اور یو اے ای کے درمیان میچ کھیلا گیا۔ قومی ٹیم نے مخالف ٹیم کو 10 وکٹوں سے شکست دے کر ٹورنامنٹ میں 10 وکٹ سے میچ جیتنے والی پہلی ٹیم ہونے کا اعزاز بھی اپنے نام کرلیا۔
یو اے ای نے پہلے بیٹنگ کرتے ہوئے مقررہ 20 اوورز میں 8 وکٹ کے نقصان پر 103 رنز بنائے۔ قومی ویمنز ٹیم نے بغیر کسی نقصان کے 14.1 اوورز میں ہدف کا تعاقب کرلیا۔
ویمنز ٹی 20 ایشیا کپ،بھارت نے پاکستان کو شکست دیدی
یو اے ای کی طرف سے صرف 3 کھلاڑی ڈبل فیگر میں داخل ہوسکیں، تیرتھا ستیش 40 رنز بنا کر نمایاں رہیں جبکہ کپتان ایشا اوز نے 16 اور خوشی شرما نے 12 رنز بنائے۔ پاکستان کی طرف سے سعدیہ اقبال، توبہ حسن اور نشرا سندھو نے 2،2 وکٹیں حاصل کیں۔