چیئرمین پاکستان علما کونسل طاہراشرفی نے کہا ہے کہ کسی کوضد نہیں کرنی چاہیے18600 مدارس وزارت تعلیم سے منسلک ہوچکے۔
چیئرمین پاکستان علما کونسل طاہراشرفی نے کہا کہ معاہدہ مفتی تقی عثمانی اورمفتی منیب کی جانب سے حکومت کے ساتھ کیاگیا،یہ لوگ معاہدے کوچھوڑکرسوسائٹی ایکٹ کی طرف جانا چاہتے ہیں توان کی مرضی ہے۔
آصف زرداری ہمارے بھائی ہیں،ایوان صدر بتائے آخر اعتراض کیوں، فضل الرحمان
انہوں نے کہا کہ یہ لوگ ڈرتے ہیں مولانا لوگ لے آئیں گے، اگر18 ہزار600 مدارس د س دس لوگ بھی لےآئے توکیا ہوگا، کوئی مدارس کی آزادی اورخودمختاری سے نہیں کھیل سکتا۔
انہوں نے مزید کہا کہ مدارس کے 15 بورڈ ہیں، پانچ کواعتماد میں لیں اوردس کوچھوڑدیں، کسی نے ان کا نصاب تبدیل نہیں کرایا، حکومت سے کہتے ہیں جوبھی قانون سازی کرنی ہے10 بورڈزکواعتماد میں لیں۔
انہوں نے کہا کہ حکومت سے کہنا چاہتے ہیں لاکھوں طلبہ اورہزاروں مدارس کامعاملہ ہے، مولانا کے لیے جوبھی قانون بنائیں لیکن قانون کے تحت ہمارے نظام کونہ چھیڑا جائے۔