آئی سی سی چیمپئنز ٹرافی ٹورنامنٹ میں شرکت کے لئے انگلینڈ کرکٹ ٹیم کا اسکواڈ پاکستان پہنچ گیا۔
انگلینڈ کرکٹ ٹیم کپتان جاس بٹلرکی قیادت میں لاہور پہنچی ہے، انگلش ٹیم کا کھلاڑیوں اوراسٹاف سمیت 31 رکنی دستہ براستہ دبئی لاہورآیا ہے، سخت سیکیورٹی میں ٹیم کو ایئرپورٹ سے ہوٹل تک پہنچایا گیا۔
آئی سی سی چیمپئنز ٹرافی، بھارتی صحافیوں کو ویزے جاری
ہیڈ کوچ برینڈن میکولم سمیت انگلینڈ کرکٹ ٹیم کے مینجنگ ڈائریکٹررابرٹ کی بھی ٹیم کے ہمراہ پاکستان پہنچے ہیں،انگلینڈ کرکٹ ٹیم اپنے گروپ میچ لاہوراور کراچی میں کھیلے گی۔
انگلینڈ کرکٹ ٹیم اپنا افتتاحی میچ 22 فروری کو آسٹریلیا جبکہ دوسرا میچ افغانستان کے خلاف 26 فروری کو قذافی اسٹیڈیم لاہورمیں کھیلے گی۔
انگلینڈ اپنا تیسرا اورآخری گروپ میچ یکم مارچ کو جنوبی افریقہ کے خلاف نیشنل اسٹیڈیم کراچی میں کھیلے گی۔