پاکستان شوبز انڈسٹری کی ابھرتی ہوئی خوبرو اداکارہ، ماڈل و انفلوئنسر کشف علی نے پاکستانی کرکٹ اسٹار صائم ایوب کے ہمراہ وائرل ویڈیو پر لب کشائی کر دی۔
فوٹو اینڈ ویڈیو شیئرنگ پلیٹ فارم انسٹاگرام پر سوشل میڈیا انفلوئنسر نے انسٹا اسٹوری شیئر کی ہے۔
اس انسٹا اسٹوری میں کشف علی نے سوشل میڈیا پر گردش کرنے والی افواہوں پر لب کشائی کرتے ہوئے افواہوں کو پھیلانے والوں پر برہمی کا اظہار کیا ہے۔
انہوں نے انسٹا اسٹوری میں شیئر کیا ہے کہ ہمارے ملک میں بے شمار مسائل ہیں جن کے بارے میں ہم بات کر سکتے ہیں لیکن نہیں، ہمارا میڈیا ان کے بارے میں بات نہیں کرتا بلکہ بے بنیاد چیزوں کو خبر بنا کر پیش کرتا ہے اور ہمارے عوام اسے دلچسپی سے پڑھتے ہیں۔
کشف علی کے مطابق ایک عام سی ویڈیو کو لے کر ہر ایک نے مسئلہ بنا دیا ہے، اس ویڈیو میں موجود شخص کو آپ نہیں جانتے، جیسے آپ مجھے نہیں جانتے، یہ میرے لیے کافی مضحکہ خیز ہے، اس کا کیا کر سکتے ہیں؟ یہ ہمارے ملک کا نظام اور لوگوں کی عادت ہے۔
خیال رپے کہ ٹخنے کی انجری کا شکار ہونے والے پاکستان کے بیٹسمین صائم ایوب اور ماڈل کشف علی مغربی لندن میں ایک ساتھ دکھائی دیے تھے۔
ان کی ویڈیو سوشل میڈیا پر وائرل ہوئی تو بیشتر سوشل میڈیا صارفین نے ان کی ڈیٹنگ کے حوالے سے چہ میگوئیاں شروع کر دی تھیں۔
ٹخنے میں لگنے والی چوٹ کے علاج کے سبب 22 سالہ کرکٹر صائم ایوب آج کل لندن میں موجود ہیں، جہاں وہ دوبارہ صحت یاب ہو رہے ہیں۔