پاکستان بار کونسل کے نمائندے اختر حسین ایڈووکیٹ نے جوڈیشل کمیشن آف پاکستان کی رکنیت سے استعفیٰ دیدیا۔
اختر حسین نے اپنا استعفیٰ چیئرمین جوڈیشل کمیشن کو بھجوا دیا۔ استعفے کے متن کے مطابق پاکستان بار کونسل نے مجھے آئینِ پاکستان 1973ء کے آرٹیکل 175(A)(2)(vi) کے تحت 3 مرتبہ جوڈیشل کمیشن کا رکن نامزد کیا۔
جوڈیشل کمیشن کا اجلاس،سپریم کورٹ کیلئے 6 ججز کے ناموں کی منظوری
اختر حسین ایڈووکیٹ نے کہا کہ میں اپنی ذمے داریاں اپنی بہترین صلاحیتوں کے مطابق انجام دیتا رہا، حالیہ عدالتی تقرریوں سے متعلق تنازعات کی بناء پر میں مزید کام جاری نہیں رکھ سکتا۔
ان کا مزید کہنا ہے کہ میں استعفے کی نقل پاکستان بار کونسل کو ارسال کر رہا ہوں تاکہ آئین کے تحت میری جگہ نیا نامزد رکن مقرر کیا جا سکے۔