نیوزی لینڈ نے ٹاس جیت کر پہلے فیلڈنگ کا فیصلہ کیا ہے، آئی سی سی چیمپیئنز ٹرافی کے چھٹے میچ میں بنگلہ دیش اور نیوزی لینڈ کے درمیان آج راولپنڈی کرکٹ اسٹیڈیم میں کھیلا جا رہا ہے۔
بنگلہ دیش کی جانب سے تنزید حسن اور نجم الحسن شانتو نے اننگز کا آغاز کیا۔ تنزید حسن 24 رنز بنا کر بریسویل کی گیند پر ولیمسن کے ہاتھوں کیچ آؤٹ ہوئے۔
بنگلہ دیش کا مجموعی اسکور64 ہوا تو مہدی حسن 13 رنز بنا کر آؤٹ ہو گئے، 97 کے مجموعی اسکور پر بنگلہ دیش کی تیسری وکٹ بھی گر گئی، مجموعی اسکور 106 پر پہنچا تو مشفیق الرحیم بھی بریسویل کی گیند پر کیچ تھما کر پویلین لوٹ گئے۔
پانچویں وکٹ 118 کے مجموعی اسکور پر گری، بنگلہ دیش نے پانچ وکٹوں کے نقصان پر 125 رنز بنا لئے ہیں۔
نیوزی لینڈ اور بنگلہ دیش کا میچ پاکستان کے لئے بھی اہم ہے، اس میچ میں اگر بنگلہ دیش نیوزی لینڈ کو شکست دینے میں کامیاب ہوتا ہے تو پھر پاکستان کے سیمی کھیلنے کے چانسز موجود رہیں گے۔
ویرات کوہلی نے بھارت کی جانب سے ون ڈے میں سب سے زیادہ کیچز کا 25 سالہ ریکارڈ توڑ دیا
نیوزی لینڈ نے اپنے پہلے میچ میں پاکستان کو 60 رنز سے شکست دی تھی، نیوزی لینڈ کی قیادت مچل سینٹنر کریں گے اور دیگر نمایاں کھلاڑیوں میں کین ولیمسن، ڈیرل مچل، گلین فلپس، ٹام لیتھم، مائیکل بریسویل، ڈیون کونوے شامل ہیں۔
بنگلہ دیش اپنا پہلا میچ بھارت سے 6 وکٹوں سے ہار گیا تھا، نجم الحسن شانتو بنگلہ دیشی ٹیم کی قیادت کریں گے، بنگلہ دیش کو ایونٹ میں رہنے کے لئے ایک فتح درکار ہے، اس میچ کے بعد بنگلہ دیش کاپاکستان کے ساتھ ایک میچ رہ جائے گا۔