اسلام آباد: وفاقی کابینہ میں مزید توسیع کا فیصلہ کر لیا گیا۔ مزید 5 ارکان کا شامل کیے جانے کا امکان ہے۔
ذرائع کے مطابق وفاقی کابینہ میں توسیع کے لیے ایوان صدر میں تقریب حلف برداری کی تیاریاں مکمل کر لی گئیں۔ تقریب حلف برداری ایوان صدر میں جمعرات کی صبح 9 بجے ہونے کا امکان ہے۔
وفاقی کابینہ میں مسلم لیگ ن کے رہنما حنیف عباسی اور طارق فضل چودھری کو شامل کرنے کا فیصلہ کیا گیا ہے۔
یہ بھی پڑھیں: پاکستان اور ازبکستان کے درمیان مفاہمتی یادداشتوں اور معاہدوں پر دستخط ، تعاون جاری رکھنے پر اتفاق
ذرائع کے مطابق وفاقی کابینہ میں رکن قومی اسمبلی اور بلوچستان عوامی پارٹی (باپ) کے خالد مگسی، ایم کیو ایم پاکستان کے مصطفیٰ کمال اور مسلم لیگ ن کے جنید انوار چودھری کو بھی شامل کیے جانے کا امکان ہے۔