مجھے زبردستی ان فٹ قرار دے کر ٹیم سے باہر کیا گیا، عمر اکمل

قومی کرکٹرعمر اکمل کا نے دعوی کیا ہے کہ انہیں زبردستی ان فٹ قرار دے کر ٹیم سے باہر کیا گیا۔

34 سالہ قومی ٹیسٹ کرکٹرعمراکمل نے کہا کہ 14 لڑکے پریکٹس کررہے ہوتے تھے مجھے ایک کرسی دے کر سائیڈ پر کردیا گیا تھا جب کوچ مکی آرتھر کو کہتا تھا تو وہ کہتے تھے کہ نیٹ بولر کو بول دو کہ تمہیں پریکٹس کروادیں۔

ہم اپنی غلطیوں سے سیکھیں گے، محمد رضوان

انہوں نے کہا کہ کوچ سے کہتا تھا کہ کوچنگ اسٹاف سے کہہ دیں، سیکنڈ کوچ شاہد اسلم سے کہا کہ مجھے پریکٹس کروا دیں، انہوں نے بولا کہ میں تمہیں نہیں کروا سکتا، ہیڈ کوچ نے سختی سے منع کیا ہے۔

اس وقت سرفرازکپتان تھا جب ان سے کہا تھا توانہوں نے بھی کوچ کے ساتھ جانے کہہ دیا، میں نے سرفراز سے کہا کہ تم کپتان ہو، میں تم سے بڑے بڑے کپتانوں میں کھیلا ہوں۔

انہوں نے مزید کہا کہ 2017 کے بعد مجھے سائیڈ پرکیا گیا، اس وقت وہ اپنا سسٹم لے کر چلے، میں نے فرسٹ کلاس کرکٹ میں پرفارم بھی کیا لیکن اب تک مجھے باہر بٹھایا ہوا ہے۔