پاکستان فٹبال فیڈریشن نے شام کے خلاف اے ایف سی ایشیئن کپ 2027 کوالیفائر کے پہلے میچ کے لیے ممکنہ کھلاڑیوں کا اعلان کر دیا ہے۔
پاکستان سکواڈ میں گول کیپرز یوسف بٹ، ثاقب حنیف، عبدالباسط اور آدم خان ہیں۔
پاکستان ٹیم کے ڈیفنڈرز میں عبداللہ اقبال، عیسیٰ سلیمان، حسیب خان، جنید شاہ، مامون موسیٰ، محمد فضل، عبدالرحمان اور وقار احتشام شامل ہیں۔
اسی طرح سے مڈ فیلڈرز میں عالمگیر غازی، علی عزیر، علی ظفر، محمد عمر حیات، راہس نبی، توقیر الحسن، عمیر علی اور معین احمد شامل ہیں۔
فارورڈ میں فرید اللہ، ہارون حامد، عمران کیانی، میکال عبداللہ، عبدالصمد، شائق دوست اور محمد عدیل یونس شامل ہیں۔
یاد رہے کہ شام اور پاکستان کے درمیان میچ 25 مارچ 2025 کو الاحساء، سعودی عرب میں کھیلا جائے گا۔
اس سے قبل پیر کو پاکستان فٹبال فیڈریشن (پی ایف ایف) نے اے ایف سی ایشیا کپ میں شرکت کی تصدیق کرتے ہوئے کہا تھا کہ سٹیفن کانسٹنٹائن کو دوبارہ ہیڈ کوچ تعینات کر دیا گیا ہے۔
پیر کو لاہور میں پاکستان فٹبال فیڈریشن کے دفتر سے جاری کیے گئے بیان میں قومی ٹیم کے اے ایف سی ایشین کپ 2027 کوالیفائرز میں شرکت کی تصدیق بھی کی گئی تھی۔سٹیفن کانسٹنٹائن پاکستان کے ہیڈ کوچ ہوں گے (فائل فوٹو: اے ایف پی)کوالیفائر ہوم اینڈ اوے کی بنیاد پر کھیلے جائیں گے، پاکستان کو گروپ ای میں شام، افغانستان اور میانمار کے ساتھ رکھا گیا ہے۔پاکستان فٹبال فیڈریشن کے مطابق سٹیفن کانسٹنٹائن جو اس سے قبل 2023 کے اواخر سے 2024 کے وسط تک قومی ٹیم کے ہیڈ کوچ تھے، اُن کو شام کے خلاف میچ کے لیے دوبارہ ہیڈ کوچ مقرر کیا گیا ہے۔فٹبال کی عالمی تنظیم فیفا نے اتوار کو پاکستان فٹبال فیڈریشن کی رکنیت کو مکمل بحال کرتے ہوئے اس کی معطلی ختم کر دی تھی۔