کینیڈا کی حکمران جماعت لبرل پارٹی نے مارک کارنے کو نیا رہنما منتخب کر لیا، کارنے جلد وزیر اعظم جسٹن ٹروڈو کی جگہ سنبھالیں گے۔
مارک کارنے کا کہنا ہے کہ ٹرمپ کی قیادت میں امریکا کینیڈا کا کنٹرول حاصل کرنے کی کوشش کر رہا ہے، امریکی ہمارے وسائل، زمین، پانی اور ہمارا ملک چاہتے ہیں، ٹرمپ کو ان کے عزائم میں کامیاب ہونے نہیں دے سکتے۔
جب تک امریکا غیر منصفانہ ٹیکس عائد کرتا رہیگا ہم جواب دیتے رہیں گے،جسٹن ٹروڈو
یاد رہے کہ رواں سال جنوری میں کینیڈا کے وزیر اعظم جسٹن ٹروڈو نے مستعفی ہونے کا اعلان کرتے ہوئے کہا تھا کہ وہ حکمران جماعت لبرل پارٹی کی جانب سے نیا سربراہ چنے جانے کے بعد عہدہ چھوڑ دیں گے۔
53 سالہ جسٹن ٹروڈو نے 2015 میں کینیڈا کی وزارت عظمیٰ کا منصب سنبھالا تھا ، انہوں نے اس کے بعد بھی مسلسل 2 انتخابات جیتے۔