اسلام آباد: وزیر اعلیٰ پنجاب مریم نواز نے کہا ہے کہ اپوزیشن نے جو کیا آج وہ خود اس کا نشانہ بن رہی ہے۔
وزیر اعلیٰ پنجاب مریم نواز نے پارلیمنٹ اجلاس کے بعد گفتگو کرتے ہوئے کہا کہ اپوزیشن نے بدتمیزی اور بدتہذیبی کی بنیاد رکھی تھی اور اب وہ خود نشانہ بن رہے ہیں۔
انہوں نے کہا کہ اپوزیشن صرف اپنی سیاست چمکانا چاہتی ہے اور اس کی عوامی مسائل پر کوئی توجہ نہیں ہے۔ لوگوں کو سمجھ آگئی ہے کہ بدتمیزی اور خدمت کی سیاست میں کیا فرق ہے۔
یہ بھی پڑھیں: پارلیمنٹ کا مشترکہ اجلاس، صدر کے خطاب کے دوران اپوزیشن کا احتجاج
مریم نواز نے کہا کہ مسلم لیگ ن کی حکومت میں معیشت بہتر ہوئی ہے۔ جبکہ عوام کو ترقی، مسائل کا حل اور مہنگائی میں کمی چاہیئے۔
انہوں نے کہا کہ اب ملک کی معیشت بہتر ہو رہی ہے۔ اور حالات بہتری کی جانب گامزن ہیں۔