پاکستان کرکٹ بورڈ پی سی بی نے چیمپئنز ٹرافی میں بدانتظامی پر آئی سی سی سے احتجاج ریکارڈ کرانے کا فیصلہ کیا ہے۔
ذرائع کے مطابق چیمپئنز ٹرافی کی اختتامی تقریب میں ٹورنامنٹ ڈائریکٹر اور پی سی بی سی او او سمیر احمد کو نظر انداز کیا گیا۔
فائنل میچ کے بعد اختتامی تقریب میں آئی سی سی چئیرمین، بی سی سی آئی اور نیوزی لینڈ کرکٹ بورڈ کے آفشیل موجود تھے لیکن میزبان پی سی بی کے آفیشل کو تقریب میں نہیں بلایا گیا۔
چیمپئنز ٹرافی کی ٹیم آف دی ٹورنامنٹ کااعلان
ذرائع پی سی بی کے مطابق آئی سی سی نے چیمپئنز ٹرافی کے دوران متعدد غلطیاں کی، انڈیا بمقابلہ بنگلہ دیش میچ کے دوران ٹورنامنٹ کا غلط لوگو نشر کیا گیا جبکہ آسٹریلیا انگلینڈ میچ کے آغاز سے قبل بھارت کا ترانہ چلایا گیا۔