اسلام آباد: بلوچستان کے ساحلی علاقے اورماڑہ اور سوات کے گردونواح میں زلزلے کے جھٹکے محسوس کیے گئے۔
زلزلہ پیما مرکز کے مطابق بلوچستان کے ساحلی علاقے اورماڑہ میں آنے والے زلزلے کی شدت ریکٹر اسکیل پر 4.8 ریکارڈ کی گئی۔
زلزلے کی گہرائی 18 کلومیٹر تھی۔ لوگ زلزلے کے باعث خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے۔
یہ بھی پڑھیں: پنجاب میں سرکاری گندم کا نرخ 2900 روپے فی من مقرر
زلزلہ پیما مرکز کے مطابق زلزلے کے باعث کسی جانی و مالی نقصان کی اطلاع موصول نہیں ہوئی۔
دوسری جانب سوات اور اس کے گردونواح میں زلزلے کی شدت 4.3 ریکارڈ کی گئی۔ جس کی زیر زمین گہرائی 173 کلومیٹر تھی۔ اور زلزلے کا مرکز کوہ ہندوکش کا پہاڑی سلسلہ تھا۔