کور کمانڈر کانفرنس کے شرکا نے عزم کا اظہار کیا ہے کہ پاکستان کو غیرمستحکم کرنے کی کوشش کرنے والوں سے پوری طاقت سے نمٹا جائے گا اوربلوچستان کے استحکام اور خوشحالی میں خلل ڈالنے والے عناصر کو ناکام بنایا جائے گا۔
پاک فوج کے شعبہ برائے تعلقاتِ عامہ (آئی ایس پی آر) کے مطابق آرمی چیف جنرل سید عاصم منیرکی زیر صدارت 268 ویں کور کمانڈر کانفرنس میں فورم نے شہدا کے ایصال و ثواب کے لئے فاتحہ خوانی کی گئی، فورم نے ہر قیمت پر بلا تفریق دہشت گردی کو ختم کرنے کے عزم کا اعادہ کیا۔
آرمی چیف جنرل عاصم منیر نے کہا کہ فوج قانون نافذ کرنے والے اداروں کومکمل تعاون فراہم کرے گی، پاکستان میں دہشت گردوں، سہولت کاروں کے لیے کوئی جگہ نہیں۔
شرکاء نے مادرِ وطن کے امن و استحکام کے لئے شہدائے افواج ِ پاکستان ، قانون نافذ کرنے والے اداروں اور شہریوں کی لازوال قربانیوں کو خراجِ عقیدت پیش کیا۔فورم کو خطے کی موجودہ صورتحال، قومی سلامتی کو درپیش چیلنجز پر بریفنگ دی گئی۔ کانفرنس میں علاقائی اور داخلی سلامتی کی صورتحال کا تفصیلی جائزہ بھی لیا گیا۔
ملکی سلامتی سے بڑا کوئی ایجنڈا ،کوئی تحریک ، کوئی شخصیت نہیں، آرمی چیف
آئی ایس پی آر کا کہنا ہے کہ فورم نے اس بات کا بھی اعادہ کیا کہ کسی کو بلوچستان میں امن میں خلل ڈالنے کی اجازت نہیں دیں گے۔ بلوچستان مین انتشار کی کوششیں بے نقاب ہو چکی ہیں۔ انھیں کسی بھی قسم کی معافی نہیں دی جائے گی۔ ملک دشمن عناصر سے ریاست پوری طاقت سے نمٹے گی۔
شرکا کانفرنس کا کہنا ہے کہ سہولت کاروں اور ان کی حوصلہ افزائی کرنے والوں سے نمٹیں گے، مذموم سیاسی مفادات کو ناکام بنایا جائے گا۔ ملکی اور غیر ملکی عناصر کا اصل چہرا بے نقاب ہو چکا ہے۔ بلوچستان میں ان کا گٹھ جوڑ بھی بے نقاب ہو گیا۔
فورم نے ’عزمِ استحکام ’ کی حکمتِ عملی کے مؤثر نفاذ پر بھی زور دیا۔ شرکا کانفرنس کا کہنا ہے کہ ریاستی ادارے قانون پر استقامت سے عمل درآمد کریں گے، آئین کے دائرے میں رہتے ہوئے عمل درآمد کریں گے، قانون کی عملداری میں کوئی نرمی نہیں ہوگی۔
آرمی چیف جنرل عاصم منیر نے کور کماندر کانفرنس میں کہا کہ تمام ادارے نیشنل ایکشن پلان کے نفاذ میں تعاون کو یقینی بنائیں، دہشت گردوں کی مالی اعانت کے خلاف سخت قانونی اقدامات کے عزم کا اظہار کرتئے ہوئے انھوں نے کہا کہ پاک فوج حکومت کو مکمل تعاون فراہم کرے گی۔
آرمی چیف جنرل عاصم منیر نے کہا کہ فوج قانون نافذ کرنے والے اداروں کومکمل تعاون فراہم کرے گی، پاکستان میں دہشت گردوں، سہولت کاروں کے لیے کوئی جگہ نہیں۔