امریکہ کی ریاست ٹیکساس میں ایک انوکھا منظر اس وقت دیکھنے کو ملا جب سکوں سے بھرا ایک ٹرک اچانک ہائی وے پر الٹ گیا۔ لمحوں میں سڑک چمکتی دھات سے بھر گئی اور لوگ حیران رہ گئے کہ یہ کیا ماجرا ہے۔
اس ٹرک میں 80 لاکھ سکے موجود تھے جو حادثے کے بعد ہر سمت پھیل گئے۔ جائے وقوعہ پر ایسا لگ رہا تھا جیسے کسی فلم کا سین ہو — سڑک پر دھات کی کھنک، گاڑیاں رک گئیں، اور ہر طرف چمکتے سکے۔
حادثے میں خوش قسمتی سے ٹرک ڈرائیور اور ایک مسافر کو صرف معمولی چوٹیں آئیں، جنہیں فوری طور پر اسپتال پہنچا دیا گیا۔
مقامی حکام نے فوراً کارروائی کرتے ہوئے بھاری مشینری کی مدد سے تمام سکے اکٹھے کیے۔ چند گھنٹوں کی محنت کے بعد جب صورتحال قابو میں آ گئی، تو ہائی وے کو دوبارہ کھول دیا گیا۔