امریکی صدر کے مشیر برائے مشرق وسطیٰ اسٹیو وٹکوف نے انکشاف کیا ہے کہ صدر ڈونلڈ ٹرمپ کی کوشش ہے کہ ابراہم معاہدے کو وسعت دی جائے۔
اسٹیو وٹکوف کا ایک بیان میں کہنا ہے کہ جلد ایسے ممالک بھی اسرائیل کو تسلیم کریں گے جن کا تصور نہیں کیا جا سکتا۔
انہوں نے کہا کہ ڈونلڈ ٹرمپ کے پہلے دور صدارت میں متحدہ عرب امارات، بحرین، مراکش اور سوڈان نے اسرائیل کو تسلیم کیا تھا۔
ان کا کہنا تھا کہ ڈونلڈ ٹرمپ اسرائیل کو تسلیم کرنے والے ممالک کی تعداد بڑھانے کی کوشش کررہے ہیں۔ یہ عمل مشرق وسطیٰ میں توازن لائے گا۔
واضح رہے کہ امریکا کی جانب سے سفارتی اقدامات کے ذریعے 2020ء میں متحدہ عرب امارات، بحرین، سوڈان اور مراکش کے اسرائیل کے ساتھ سفارتی تعلقات قائم ہوئے تھے۔
یاد رہے کہ ڈونلڈ ٹرمپ کی حکومت میں اسرائیل کے امارات، بحرین، مراکش اور سوڈان کے ساتھ تعلقات معمول پر لانے کے لیے "ابراہم معاہدہ" ہوا تھا۔