بھارتی وزیردفاع راج ناتھ سنگھ نے بیجنگ میں ایس سی او کانفرنس کے مشترکہ اعلامیے میں پہلگام واقعے کا ذکر نہ ہونے پر دستخط کرنے سے انکار کردیا۔
چینی دارالحکومت میں شنگھائی تعاون تنظیم کے وزرائے دفاع کے اجلاس میں کانفرنس کا مشترکہ اعلامیہ دیکھ کر بھارتی وزیر دفاع راج ناتھ سنگھ تلملا گئے۔
بھارتی میڈیا کے مطابق ایس سی او مشترکہ اعلامیے میں پہلگام واقعےکا ذکر نہیں تھا جبکہ بھارت پربلوچستان میں بالواسطہ بدامنی پھیلانےکا الزام بھی لگایا گیا ہے۔ جس پر وزیر دفاع راج ناتھ سنگھ نے دستخط سے انکار کیا۔
یاد رہے کہ اپریل میں مقبوضہ کشمیر کے علاقے پہلگام میں 26 بھارتی سیاحوں کے قتل کے بعد پاکستان اور بھارت کے درمیان تناؤ بڑھ گیا ہے۔