کراچی میں سمندری ہوائیں معطل، شہر میں حبس کی کیفیت برقرار

کراچی میں گرمی کی شدت میں اضافہ ہوگیا ہے مطلع صاف اور سمندری ہوائیں جزوی طور پر معطل ہونے کے باعث شہریوں کو شدید حبس کا سامنا ہے۔

محکمہ موسمیات کے مطابق شہر قائد میں آج بھی مرطوب موسم رہے گا جبکہ شام اور رات کے اوقات میں ہلکی بوندا باندی کا امکان ہے۔ شہر میں اس وقت مغربی سمت سے 9 کلو میٹر فی گھنٹہ کی رفتار سے ہوائیں چل رہی ہیں۔

محکمہ موسمیات کا کہنا ہے کہ ہوا میں نمی کا تناسب 78 فیصد ریکارڈ کیا گیا ہے جبکہ گرمی کی شدت 33 ڈگری سینٹی گریڈ تک محسوس کی جارہی ہے۔ دن کے وقت درجہ حرارت 34 سے 36 ڈگری سینٹی گریڈ تک جانے کا امکان ہے۔