پرونشل رین اینڈ فلڈ ایمرجنسی مانیٹرنگ سیل نےسندھ میں دریاؤں اور بیراجوں میں پانی کی آمد و اخراج کے اعداد و شمار جاری کر دیے جس کے مطابق پنجند بیراج پر پانی کی آمد و اخراج 527,028 کیوسک ریکارڈ کیا گیا جبکہ اپ اسٹریم میں 37,576 کیوسک کمی ہوئی ہے۔
اسی طرح تریموں بیراج پر پانی کی آمد اور اخراج 543,579 کیوسک رہا اور گڈو بیراج پر پانی کی آمد 401,626 کیوسک اور اخراج 380,896 کیوسک ریکارڈ کی گئی۔
مانیٹرنگ سیل کے اعداد و شمار کے مطابق سکھر بیراج پر پانی کی آمد 340,766 کیوسک اور اخراج 311,666 کیوسک ہے جبکہ کوٹری بیراج پر پانی کی آمد 236,116 کیوسک اور اخراج 231,763 کیوسک ریکارڈ کیا گیا۔